خايف ..

خايف ..
ابصلها تشوفها عنيّا
أكلمها ترد عليّ
امد ايدى تسلّم
تسبقنى هى وتتكلم
 تِسحرنى
 تجذبنى
محلتيش غير قلبى
 عنيها مبترحمش
وعنيّا مبتنمش
 أجمد يا أنا متستسلمش
بصلها خليها تشوفك
اكسر خوفك
اقتل كسوفك
عنيها بتقول عشقاك
عايزه اعيش معاك
بتقولك بهواك
عنيها بتقول كدا
عنيّا متأكده
قرّب جرّب
اتكلم وقول
هى سمعاك
 حبها جوّاك
خايف .....
خايف .. !!
ابصلها تشوفها عنيّا
أكلمها ترد عليّ
امد ايدى تسلّم
تسبقنى هى وتتكلم
 تِسحرنى
 تجذبنى
محلتيش غير قلبى ..
مش مكسوف من كسوفك
وخوفك
اهى عنيها بصتلك
وايديها اتمدلك
سلّم
احضن العيون
ارسم ضحكه ع الشفايف
ضمّها اليك
 قَبّل يديها
إنها حبيبتك الأولى
متقولش انك خايف
الحُب إنتصار...
انتصار ع الكسوف
الخوف
الحُب مفيهوش خوف
الحب شمس بتطلع
ملهاش غُروب
الحب حقيقه
مفيش منها هروب .

مصطفي أحمد
https://www.facebook.com/profile.php?id=100013481562697