نص جنيّه ونص ملاك

يا اللى ماشيه عـ الطريق نص جنيّه ونص ملاك نفسى أقولك بحبك بس أنا مش جرئ
خايف أعوم ف بحرك أكون أنا الغريق
خايف أمشى ف طريقك ملاقيش آخر للطريق
يا ترا بتحبينى ولا أنا اللى ف بحر حُبك غريق
بشوفك جايه من بعيد بتلخبط وبنسى كل المواعيد 
مهو يوم ما بشوفك ده يوم عيد
يا اللى ماشيه عـ الطريق
على مهلك لحسن خلخالك خوَت مُخى
خطوتك خطوتك ملاك
مستحيل تكون إنس
عيونك فيها سحر
مستحيل تكون إنس
اللى يشوف عيونك صعب جداً ميتسحرش
ولا أنا بس علشان هويتك ومن كل قلبى حبيبتك
إتسحرت بعنيكى وعشقت خطاويكى
يا اللى ماشيه عـ الطريق
البحر عاشق كل البنات إلا إنتى
عاشق زرقة عنيكى
رسم الموج على شكل ضفايرك الدهب
حدد الشواطئ زى الكحل المرسوم على عنيكى
تُهت أنا فيكى بيكى
ف زرقة عنيكى
ف ضفايرك الدهب
والحكل المرسوم على عنيكى
و وحدى ف حبك كنت أنا الغريق
مشيت ف طريقك ومكنش فى آخر للطريق
وحبيتك ونفسى أقولك بس أنا مش جرئ
يا اللى ماشيه عـ الطريق.

مصطفي أحمد
https://www.facebook.com/profile.php?id=100013481562697