أطاوع فى هواك قلبى

أطاوع فى هواك قلبى
وأفضل ادارى وأخبى
لا انا قادر اوصفلك حُبى
ولا قادر اصبر على نار قلبى
حبيتك ودوبت فيك 
وانت ولا هنا ولا دارى
ياريته كان بإختيارى
لا كنت حبيتك ولا كان دا بقا حالى
يا حبيبى نظره منّك
تعطف بيها على حالى
انا طول عمرى قلبى خالى
لكن لما شوفتك معرفش ايه جرالى
ياريتنى كنت اقدر على حكم قلبى
كنت فضلت قلبى خالى ولا كنش دا حالى
عنيك هما سبب شقايا
اول مره شوفتك فاضت اشواقى جوايا
انا اللى طول عمرى بحب الحب
يكون دا حالى اول مرّه احب
هو من امتى الحب قسوه وحرمان
هو مش وِصال وأمان!!
ياما اتمنيت اسهر للحب
مش للعذاب وآلام القلب
يا حبيبى الحب لُقا بين حبيبين
عُمرُه ما كان هجر وجفا للعاشقين
انا اللى طاوعت فى هواك قلبى
كان منايا اكون اسعد العاشقين
شفت ف عنيك بحر أمانى
مجاش ف بالى تهجر وتقلق منامى
يا اللى اسمك أجمل الاسامى
عيش للحب بالحب تتحق كل الأمانى

مصطفى أحمد

https://www.facebook.com/profile.php?id=100013481562697